Home » ലേഖനങ്ങള്‍
വൃദ്ധ സദനം...!!
Category :- ലേഖനങ്ങള്‍ Author :- Voice of Kerala 
Posted on December 2, 2013, 10:28 pm

Click to Enlarge!

ആ വൃദ്ധ സ്ത്രീ മകനോട്‌ ചോദിച്ചു കൊണ്ടിരിന്നു....
" മോനെ....ഉമ്മാനെ എങ്ങട്ടാ എന്റെ പൊന്നുമോന്‍ കൊണ്ടോണെ...?"
അയാള്‍ മിണ്ടിയില്ല....
അയാളുടെ ഭാര്യ മിന്നുന്ന വസ്ത്രം ധരിച്ചു കൊണ്ട് തലേ ദിവസം രാത്രി തന്നോട് അടക്കം പറയുന്നതയാള്‍ ഓര്‍ത്തു....

"നിങ്ങടെ ഉമ്മാനെ വല്ല വൃദ്ധസധനത്തിലും കൊണ്ടാക്കൂ.....അതെന്തു പറഞ്ഞാലും അനുസരിക്കില്ല....കുട്ടികളെക്കാളും കഷ്ട്ടം....ഇങ്ങനെ ഉണ്ടോ തള്ളമാര്‍....വയസായാല്‍ ഒരു ഭാഗത്ത് അടങ്ഘി ഒതുങ്ങി ഇരിക്കെണ്ടേ....ശല്യം...."
അയാള്‍ മിണ്ടിയില്ല....
"നിങ്ങള്‍ എന്താ ഒന്നും മിണ്ടാത്തെ.....കേള്‍ക്കുന്നുണ്ടോ ഞാന്‍ പറയുന്നത്...."

"ഒന്നുകില്‍ ആ സ്ത്രീ....അല്ലെങ്കില്‍ ഞാന്‍....എനിക്കു പറ്റില്ല അതിനെ നോക്കാന്‍....."

"ഉം....ഞാന്‍ നാളെ തീരുമാനം എടുക്കുന്നുണ്ട്"....അയാള്‍ പറഞ്ഞു....

കാറ് അതിവേഗതയില്‍ കുതിച്ചു കൊണ്ടിരുന്നു....

"മോനെ....എത്ര നാളായി മോന്‍ എന്റെ കൂടെ ഇങ്ങനെ ഒന്ന് ഇരുന്നിട്ട്..."
"മോന് ഓര്‍മ്മയുണ്ടോ...? പണ്ട് വല്യ വാശിക്കാരനായിരുന്നു എന്റെ മോന്‍.....എന്തിനും വെറുതെ വാശി പിടിക്കും....ഉമ്മച്ചി ഒക്കെ നടത്തിതരാന്‍ എത്ര പാടുപെട്ടിരു വെന്നോ അന്നൊക്കെ...."
അയാള്‍ ഒന്നും മിണ്ടിയില്ല....അയാള്‍ ആ സ്ത്രീയെ നോക്കി....ഒരു കാലത്ത് എത്ര സൌന്ദര്യം ഉണ്ടായിരുന്ന സ്ത്രീ ആയിരുന്നു....ഇപ്പോള്‍ മെലിഞ്ഞുണങ്ങിയിരിക്കുന്നു....ആ സൌന്ദര്യം തനിക്കു പകര്‍ന്നുതന്നു സ്വയം നഷ്ട്ടപെടുത്തിയ പോലെ....
സ്കൂളില്‍ നിന്നു വരുമ്പോഴേക്കും എല്ലാം തയ്യാറാക്കി വച്ചിട്ടുണ്ടാകും....തന്നെ കുളിപ്പിക്കുകയും ഉടുപ്പുകള്‍ ധരിപ്പിക്കുകയും ചെയ്തിരുന്ന....പനി വരുമ്പോള്‍ നെറ്റിയില്‍ നനഞ്ഞ തിനി ശീല വെച്ച് തന്നു തന്നെ ഉറക്ക മൊഴിച്ചിരുന്നു തന്നെ പരിചരിച്ച ആ സ്ത്രീ....

"മോനെ....നീ എന്താ ഇങ്ങിനെ ആലോചിക്കുന്നെ....എത്ര നാളായി മോന്റെ കൂടെ ഇങ്ങിനെ ഒന്ന് യാത്ര ചെയ്തിട്ട് പണ്ട് എന്റെ മോന്‍ എന്നും ഉമ്മച്ചീടെ കൂടെ എവിടേക്കും വന്നിരുന്നു....നിനക്ക് ഓര്‍മ്മയുണ്ടോ അതൊക്കെ....?"
അയാളുടെ കണ്ണുകള്‍ നിറഞ്ഞു തുടങ്ങി....
"മോനെ....ഒന്ന് വണ്ടി നിര്‍ത്തൂ , എനിക്കൊരു നാരാങ്ങാ വെള്ളം വാങ്ങിത്തരോ ഉമ്മച്ചിക്ക് വല്ലാത്ത ദാഹം...."
അയാള്‍ വണ്ടി നിര്‍ത്തി വഴി വക്കിലുണ്ടായിരുന്ന പെട്ടി കടയില്‍ നിന്നും നാരങ്ങാ വെള്ളം മേടിച്ചു കൊടുത്തു....
ആ വൃദ്ധയായ സ്ത്രീ അത് വാങ്ങുന്നതിന് മുന്‍പ്‌ ചോദിച്ചു :
"മോന്‍ കുടിച്ചോ....നാരങ്ങാ വെള്ളം....?"
"ഇല്ല' അയാള്‍ പറഞ്ഞു....
എന്താ അവിടെ ഇല്ലേ....എന്നാ ഇത് എന്റെ മോന്‍ കുടിച്ചോളൂ ഉമ്മചിക്ക് ഇല്ലേലും വേണ്ട..."
അയാളുടെ തൊണ്ട ഇടറി....
"ഉമ്മാ....വേണ്ട...എനിക്ക് വേണ്ടാഞ്ഞിട്ടാ, ഉമ്മ കുടിച്ചോളൂ..."
കാര്‍ അതിവേഗതയില്‍ വീണ്ടും പാഞ്ഞു കൊണ്ടിരിന്നു....
അയാളുടെ ചിന്ത തന്റെ കുട്ടിക്കാലത്തേക്ക് പാഞ്ഞു....
അന്നൊരു നാള്‍.....
"ഉമ്മാ.... "
"എന്താ മോനെ.... "
"ഉപ്പാ എന്നെ തല്ലോ....ഉമ്മാ.... "
"എന്തിനാ ഉപ്പ എന്റെ പൊന്നു മോനെ തല്ലുന്നെ....? "
"ഞാന്‍...ഞാന്‍... ഉപ്പാടെ കണ്ണട പൊട്ടിച്ചു.... "
"പൊട്ടിച്ചോ നീ.... "
"ഉം....ഞാന്‍ എടുത്തപ്പോ അറിയാതെ നിലത്ത് വീണു പൊട്ടി ഉമ്മാ.... "
"സാരല്യാ ട്ടോ....ഉപ്പോട് ഞാന്‍ പറഞ്ഞോളാം....എന്റെ മോനെ ഉപ്പ ഒന്നും ചെയ്യില്ലാ ട്ടോ....മോന്‍ ദാ....ഈ ചായ കുടിക്കൂ.... "
അന്ന് രാത്രി ഉപ്പയും ഉമ്മയും ഉള്ള സംഭാഷണം താന്‍ ഉറക്കം നടിച്ചു കൊണ്ട് കേട്ടു....
"നീ അവനെ വഷളാക്കും....ഇങ്ങനെ കൊഞ്ചിക്കാന്‍ പാടില്ല....കണ്ണട പോട്ടിച്ചതിനല്ല....അവനെ സൂക്ഷിച്ചില്ലേല്‍ വഷളാകും ചെക്കന്‍..... "
എന്റെ മോന്‍ വഷളാകില്ല....അവന്‍ കുട്ടിയല്ലേ, അത് സാരല്യ....ഒരു കണ്ണട പോട്ടിയതിനാ ഇപ്പോ....നിങ്ങളൊന്നു മിണ്ടാതിരിക്കനുണ്ടോ....? "
"മോനെ.. " ആ വൃദ്ധ സ്ത്രീയുടെ ശബ്ദം അയാളെ ചിന്തയില്‍ നിന്നും ഉണര്‍ത്തി....
"നമ്മളെങ്ങോട്ടാ പോണേ....മോന്‍ പറഞ്ഞില്ലാല്ലോ.... "
നിഷ്കളങ്കമായ ആ ചോദ്യം അയാളെ വല്ലാതാക്കി....
അപ്പോഴേക്കും കാര്‍ ആ വലിയ വീടിന്റെ മുന്നില്‍ എത്തിയിരുന്നു....അവിടുത്തെ ബോര്‍ഡ്‌ ആ സ്ത്രീ പണിപെട്ട് വായിച്ചു.... "....വൃ..ദ്ധ സ..ദ..നം.... "
ആ സ്ത്രീ ഒന്നും മിണ്ടിയില്ല....അവനെ ദയനീയമായി ഒന്ന് നോക്കി, ആ കണ്ണുകളില്‍ തന്റെ എല്ലാ സ്വപ്നങ്ങളും നശിച്ച പോലെ....അയാളുടെ തൊണ്ടയില്‍ എന്തോ കത്തുന്ന പോലെ, ഹൃദയത്തില്‍ പഴുത്ത ഇരുമ്പ് കമ്പി തുളച്ചു കയറുന്ന വേദന പോലെ.....
ആ സ്ത്രീ അവന്റെ കൈ പിടിച്ചു....
അയാള്‍ക്ക്‌ താന്‍ ഒരു കൊച്ചു കുട്ടി ആയ പോലെ....തോന്നിച്ചു..തന്റെ ബാല്യം...കൌമാരം, യവ്വനം, എല്ലാം അയാള്‍ പെട്ടന്ന് ഓര്‍ത്തു പോയി....
"ഉമ്മാ....അയാള്‍ തൊണ്ട ഇടറി കൊണ്ട് വിളിച്ചു....എന്നോടു ക്ഷമിക്കൂ ഉമ്മാ... "
"കാര്‍ തിരിച്ചു വിടൂ.... അയാള്‍ ഡ്രൈവറോട്‌ അലറികൊണ്ട് പറഞ്ഞു.... "
അയാളുടെ വീടിന്റെ മുന്നില്‍ വലിയ ഒരു അലര്‍ച്ചയോടെ കാര്‍ വന്നു നിന്നു....
തന്റെ ഉമ്മയെ കേട്ടിപിടിച്ചയാല്‍ ഒരു കുഞ്ഞിനെപോലെ വാവിട്ടു കരഞ്ഞു...ഉമ്മയുടെ കയ്യും പിടിച്ചു കൊണ്ട് അയാള്‍ അവരുടെ വീട്ടിലേക്ക് കയറുമ്പോള്‍ അയാളുടെ ഭാര്യ മിന്നുന്ന സാരി ഉടുത്തു തളത്തില്‍ തന്നെ നില്‍ക്കുന്നുണ്ടായിരുന്നു....
"എന്താ....കൊണ്ടാക്കില്ലേ....?" അവള്‍ ചോദിച്ചു....അയാള്‍ ഒന്നും മിണ്ടിയില്ല....ഉമ്മയെ അവരുടെ മുറിയില്‍ ആക്കിയ ശേഷം അയാള്‍ തന്റെ മുറിയിലേക്ക് നടന്നു....
പിന്നാലെ അയാളുടെ ഭാര്യയും....
"എന്താ....നിങ്ങള്ക്ക് ചെവി കേട്ടൂടെ....എന്താ കൊണ്ടാക്കാഞ്ഞെന്നാ ചോദിച്ചേ... "
അയാള്‍ വാതില്‍ അടച്ചു....
"എന്തിനാ വാതില്‍ അടക്കുന്നെ....പറ..എന്താ..അതിനെ കൊണ്ടാക്കാഞ്ഞേ...?
എനിക്കതാ അറിയേണ്ടേ... "
അയാള്‍ തന്റെ ഭാര്യയെ നോക്കി....അവളുടെ മുഖം ദേഷ്യം കൊണ്ട് ചുവന്നിരുന്നു....
അയാള്‍ അവളുടെ മുഖത്ത് ചെകിടടച്ചു ആഞ്ഞടിച്ചു....ആ അടിയുടെ അഗാദത്തില്‍ അവള്‍ നിലത്ത് മുട്ട് കുത്തി വീണു....
അയാള്‍ ഭാര്യയെ നോക്കി അലറി കൊണ്ടു പറഞ്ഞു....
"നീ ഒരു സ്ത്രീ അല്ല....എനിക്കു നിന്നെ വേണ്ടാ....എനിക്കെന്റെ ഉമ്മ മതി....നീ ഇല്ലാതെയും എനിക്ക് ജീവിക്കാന്‍ പറ്റും....ശപിക്കപ്പെട്ടവളെ....നീയും ഒരു സ്ത്രീ തന്നെയാണോ...? "
ഈ യൌവ്വനം എന്നും ഉണ്ടാകുമെന്ന് നീ കരുതിയോ....?
നാളെ നമ്മളും വയസ്സാകും....നമ്മുടെ ദേഹവും ചുക്കിച്ചുളിയും, അന്ന് നമ്മുടെ മക്കള്‍ നമ്മെയും വൃദ്ധസദനത്തില്‍ ആക്കുബോഴേ നമുക്കതിന്റെ വേദന മനസ്സിലാകൂ.... "

"ഇറങ്ങണം നീ പുറത്ത്....നീ പൊയ്ക്കോളൂ....ഇത്ര നാളും എന്നോടൊത്ത് ജീവിച്ചതിനു നന്ദി....എനിക്കെന്റെ ഉമ്മ മതി....എനിക്കവരെ ഉപേക്ഷിക്കാന്‍ പറ്റില്ല, ഒരിക്കലും... "
അയാള്‍ കട്ടിലില്‍ ഇരുന്നു....തന്റെ മുഖം പൊത്തി ഒരു കൊച്ചു കുട്ടിയെ പോലെ തേങ്ങി കരഞ്ഞു......

Tagged Keywords:  Voice of Kerala
ബുദ്ധിമാനായ രാജാവു
സുഖലോലുപന്മാരായ രാജാ....
Page Views: 63
അതിർവരമ്പു വേണം ചില സൗഹൃദങ്ങളിൽ
ഓഫിസിലെ ഒരു വ്യക്തിക്....
Page Views: 67
അലസത അകറ്റാം, ആത്മവിശ്വാസം ഉയർത്താം
ദിവസവും മണിക്കൂറുകളോ....
Page Views: 70
പെണ്ണ് പെണ്ണായി തീരുന്നത് എങ്ങനെ?
ബുദ്ധിമതിയായ സ്ത്രീയ....
Page Views: 79
ദാമ്പത്യ വിജയത്തിലെ മനഃശാസ്ത്ര വഴികൾ
നിസാരകാര്യങ്ങളുടെ പേ....
Page Views: 61

Our Radio

www.heavenlyradio.org

www.ragamradio.com

Our Websites

www.sathyavedapusthakam.com

www.thesaintofparumala.com

www.sadhukochukunjuupadesi.com
 
www.parumala.in