Home » ലേഖനങ്ങള്‍
അമ്മ മകൾക്ക് കൊടുത്ത വിവാഹ സമ്മാനം
Category :- ലേഖനങ്ങള്‍ Author :- Saif Western 
Posted on December 8, 2013, 2:09 pm

Click to Enlarge!

 

മകളുടെ വിവാഹത്തലേന്ന് അമ്മ അവളുടെ കൈയിൽ ഒരു ബാങ്ക് പാസ്ബുക്ക് നല്കിയിട്ട് പറഞ്ഞു, ''നിന്റെ വിവാഹത്തിന്റെ ഓർമക്കായി ഞാൻ ആരംഭിച്ച അക്കൗണ്ടാണ്. ജീവിതത്തിൽ സന്തോഷകരമായ അനുഭവങ്ങൾ ഉണ്ടാകുമ്പോൾ ഒരു തുക നിക്ഷേപിക്കണം. പാസ്ബുക്കിന്റെ മറുവശത്ത് എന്തിനാണത് നിക്ഷേപിക്കുന്നതെന്ന് എഴുതുകയും വേണം.'' മകൾ സന്തോഷത്തോടെ സമ്മതിച്ചു. അവളത് തുറന്നുനോക്കിയപ്പോൾ തലേദിവസത്തെ തീയതിയിൽ 1000 രൂപ നിക്ഷേപിച്ചിട്ടുണ്ട്. മറുഭാഗത്ത് വിവാഹത്തിന്റെ ഓർമക്ക് എന്ന് എഴുതിയിരുന്നു. മൂന്ന് വർഷങ്ങൾക്കുശേഷം ഒരു ദിവസം രാവിലെ മകൾ അമ്മയ്ക്ക് ഫോൺചെയ്ത് തങ്ങൾ പിരിയാൻ തീരുമാനിച്ച വിവരം അറിയിച്ചു. ''എന്താണ് കാരണം?'' അമ്മ ചോദിച്ചു. ഇങ്ങനെ ഒരാളുടെ കൂടെ ഇത്രയും കാലം എങ്ങനെ ജീവിച്ചു എന്നാണ് ഞാനിപ്പോൾ അത്ഭുതപ്പെടുന്ന തെന്നായിരുന്നു അതിന് നല്കിയ മറുപടി. അമ്മ എത്ര സമാധിനിപ്പിച്ചിട്ടും മകൾ തീരുമാനത്തിൽ ഉറച്ചുനിന്നു. ഞങ്ങൾ രണ്ടു പേരും സംസാരിച്ച് തീരുമാനിച്ചതാണെന്ന വിവരവും അമ്മയെ അറിയിച്ചു. ''നിങ്ങളുടെ തീരുമാനം ഉറച്ചതാണെങ്കിൽ വിവാഹ അവസരത്തിൽ ആരംഭിച്ച അക്കൗണ്ടിലെ പണം രണ്ടു പേരുംകൂടി ചെലവഴിച്ചിട്ട് വന്നാൽമതി. പരാജയപ്പെട്ട വിവാഹത്തിന്റെ ഓർമയ്ക്കായി ഇനി ഒന്നും സൂക്ഷിക്കുന്നതിൽ അർത്ഥമില്ല.'' മകൾ
ഉടനെ അലമാരിയിൽനിന്നും പാസ്ബുക്ക് എടുത്തു. മൂന്നു വർഷംകൊണ്ട് വലിയൊരു തുക നിക്ഷേപിച്ചിരുന്നു. അവൾ മറുവശത്ത്
നിക്ഷേപിച്ചതിന്റെ കാരണങ്ങൾ വായിച്ചു. വിവാഹശേഷമുള്ള ആദ്യ ക്രിസ്മസ്-2000, വിവാഹശേഷമുള്ള ഭർത്താവിന്റെ ആദ്യത്തെ പിറന്നാൾ-1000, ഭർത്താവിന് പ്രമോഷൻ ലഭിച്ചു- 2000, വിവാഹ വാർഷികം-2000, ഭർത്താവിന്റെ സ്നേഹനിധികളായ
മാതാപിതാക്കളോടൊപ്പം അവധി ആഘോഷിക്കുന്നതിനായുള്ള യാത്ര-1000 ഗർഭിണിയായതിന്റെ
സന്തോഷത്തിന്- 1000 മോന്റെ ആദ്യത്തെ ജന്മദിനം-1000, ഞാൻ ആശുപത്രിയിൽ കിടന്ന ഒരു മാസം മുഴുവൻ ഭർത്താവ് അവധിയെടുത്ത് ശുശ്രൂഷിച്ചതിന്റെ ഓർമയ്ക്ക്-2000, നഗരത്തിലെത്തിയ സർക്കസ് കാണാൻ പോയി-500... അങ്ങനെ ഏതാനും വർഷങ്ങളിലെ സന്തോഷകരമായ അനുഭവങ്ങളുടെ നീണ്ട പട്ടികയായിരുന്നു അതിൽ ഉണ്ടായിരുന്നത്. വൈകുന്നേരം ഭർത്താവ്
ഓഫീസിൽനിന്നും എത്തിയപ്പോൾ പാസ്ബുക്ക് നീട്ടിയിട്ട് അമ്മയുടെ നിർദ്ദേശം അറിയിച്ചു. അല്പം കഴിഞ്ഞ് എന്തോ സാധനങ്ങൾ
എടുക്കാനായി മുറിയിലേക്ക് കയറാൻ തുടങ്ങിയ അവൾ കണ്ടത്, ഭർത്താവ് പാസ്ബുക്കിന്റെ മറുവശത്ത് എഴുതിയിരുന്ന ഓരോന്നും ശ്രദ്ധാപൂർവ്വം വായിക്കുന്നതാണ്. അര മണിക്കൂർ കഴിഞ്ഞപ്പോൾ അയാൾ പാസ്ബുക്കുമായി അവളുടെ അടുത്തെത്തി. നീ എന്നോട് കാണിച്ച സ്നേഹത്തിനും കരുതലിനും നല്കിയ സന്തോഷങ്ങളുടെയും ഓർമയ്ക്കായി എന്ന് ബുക്കിൽ രേഖപ്പെടുത്തിയിട്ട് തുക എഴുതാത്ത ഒരു ചെക്കും അതിൽ വച്ചിരുന്നു. അവൾ അമ്പരപ്പോടെ ഭർത്താവിനെ നോക്കി. അയാൾ അവളുടെ കരങ്ങളിൽ പിടിച്ചിട്ടു ചോദിച്ചു. കഴിഞ്ഞതൊക്കെ രണ്ടു പേർക്കും മറക്കാനുള്ളതല്ലേ ഉള്ളൂ? അതെയെന്ന് അവൾ തലയാട്ടുമ്പോൾ രണ്ടു
പേരുടെയും കണ്ണുകൾ നിറയുന്നുണ്ടായിരുന്നു. അംഗീകരിക്കാനും പൊരുത്തപ്പെടാനും വിഷമമുള്ള അവസരങ്ങൾ ജീവിതത്തിൽ
ഉണ്ടാകുമ്പോൾ കഴിഞ്ഞകാലത്തെ നന്മകളെപ്പറ്റിയും പങ്കാളിയുടെ സ്നേഹത്തെപ്പറ്റിയുമൊക്കെ ചിന്തിക്കണം. ആ സമയത്ത്
വൈകാരികമായി തീരുമാനങ്ങളെടുത്താൽ അതു നമ്മെ വഴിതെറ്റിക്കും
Tagged Keywords: Saif Western, Passbook
ബുദ്ധിമാനായ രാജാവു
സുഖലോലുപന്മാരായ രാജാ....
Page Views: 54
അതിർവരമ്പു വേണം ചില സൗഹൃദങ്ങളിൽ
ഓഫിസിലെ ഒരു വ്യക്തിക്....
Page Views: 64
അലസത അകറ്റാം, ആത്മവിശ്വാസം ഉയർത്താം
ദിവസവും മണിക്കൂറുകളോ....
Page Views: 68
പെണ്ണ് പെണ്ണായി തീരുന്നത് എങ്ങനെ?
ബുദ്ധിമതിയായ സ്ത്രീയ....
Page Views: 75
ദാമ്പത്യ വിജയത്തിലെ മനഃശാസ്ത്ര വഴികൾ
നിസാരകാര്യങ്ങളുടെ പേ....
Page Views: 59

Our Radio

www.heavenlyradio.org

www.ragamradio.com

Our Websites

www.sathyavedapusthakam.com

www.thesaintofparumala.com

www.sadhukochukunjuupadesi.com
 
www.parumala.in